Poromoting Inclusive Growth through Swine

Myanmar PIGS Project အားမိတ်ဆက်ခြင်း။

Myanmar PIGS Project ကို De Heus Myanmar မှစတင်အကောင်အထည်ဖော်ဆောင်ရွက်သွားမည်ဖြစ်ပါသည်။ UKAID နှင့် DANA Facility တို့မှအဓိကပါဝင်ကူညီအားဖြည့်ပေးသွားမည်ဖြစ်သည်။ ယခုစီမံကိန်းကိုမွေးမြူရေးဆိုင်ရာဆေးတက္ကသိုလ်နှင့် Topigs Norsvin တို့အတူပူးပေါင်းအကောင်အထည်ဖော်သွားမည်ဖြစ်ပါသည်။
ယခုစီမံကိန်းကိုကယားပြည်နယ် (လွိုင်ကော်) မှစတင်ပြီး မြန်မာနိုင်ငံရှိတစ်နိုင်တစ်ပိုင်မွေးမြူရေးသမားများ၏ဝက်မွေးမြူရေးစနစ်တိုးတက်လာစေရန်ရည်ရွယ်ပါသည်။ စီမံကိန်း၏အဓိကရည်ရွယ်ချက်မှာ မွေးမြူရေးသမားများလိုအပ်နေသောမျိုးကောင်းမျိုးသန့်ရရှိနိုင်စေရန်နှင့်မွေးမြူရေးအသိပညာများရရှိနိုင်စေရန်၊ ပိုမိုကောင်းမွန်သောဝင်ငွေရရှိစေနိုင်ပြီး တစ်နိုင်တစ်ပိုင်မွေးမြူရေးသမားများ၏အနာဂတ်ပိုမိုတောက်ပစေရန်အတွက်ထောက်ပံ့ပေးရန်ရည်ရွယ်ပါသည်။

Myanmar PIGS Project ဆိုသည်မှာ...

ကနေဒါနိုင်ငံ (သို့မဟုတ်) ပြင်သစ်နိုင်ငံတို့မှ မျိုးဝက်မ (၂၅ဝ) ကိုတင်သွင်းမွေးမြူသွားမှာဖြစ်ပြီး မျိုးဝက်ခြံ (Grandparent Pig Farm) တစ်ခုကိုဇီဝလုံခြုံရေးမြင့်မားသောနေရာဒေသတစ်ခုဖြစ်သည့်ကယားပြည်နယ်လွိုင်ကော်မြို့တွင်စတင်တည်ဆောက်သွားမည်ဖြစ်ပါသည်။ အကောင်းဆုံးအရည်အသွေးရှိသောမျိုးဝက်မများရရှိနိုင်စေရန် Topigs Norsvin နှင့်ပူးပေါင်းပြီးဝက်မျိုးခြံဆိုင်ရာအကောင်းဆုံးသောစီမံခန့်ခွဲမှုနှင့်အစာကျွေးစနစ်တို့ဖြင့်မွေးမြူဆောင်ရွက်သွားမည်ဖြစ်ပါသည်။

မြန်မာနိုင်ငံရှိတစ်နိုင်တစ်ပိုင်ဝက်မွေးမြူရေးသမားများနှင့်ပူးပေါင်းပြီးဝက်မွေးမြူရေးသရုပ်ပြခြံ (၁ဝ) ခြံကိုလည်းတည်ဆောက်အကောင်အထည်ဖော်သွားမည်ဖြစ်ပါသည်။ အထူးလေ့ကျင့်သင်ကြားပေးထားသောအရည်အသွေးပြည့်ဝသည့် တိရစ္ဆာန်ဆေးကုဆရာဝန်များက တစ်နိုင်တစ်ပိုင်ဝက်မွေးမြူသူဦးရေ (၁ဝဝဝဝ) ကိုမွေးမြူရေးနည်းပညာနှင့်အတွေ့အကြုံများလက်ဆင့်ကမ်းသင်ကြားပေးသွားမည်ဖြစ်ပါသည်။

ဝက်မွေးမြူရေးနည်းစနစ်များကိုမျှဝေသင်ကြားပေးသွားမည်ဖြစ်သည့်အတွက်မွေးမြူရေးနှင့်ကုသရေးဦးစီးဌာနအတွက်လည်းအင်အားတစ်ရပ်ဖြစ်စေပါသည်။

ရရှိလာမည့်အကျိုးကျေးဇူးများ...

ယခုစီမံကိန်းမှ ရရှိလာမည့်အကျိုးအမြတ် (၉၅) ရာခိုင်နှုန်းကိုတစ်နိုင်တစ်ပိုင်မွေးမြူရေးသမားများမှရရှိသွားမည်ဖြစ်ပါသည်။

ဝက်မွေးမြူရေးလုပ်ငန်း၏ (၉ဝ) ရာခိုင်နှုန်းကျော်ကိုကျေးလက်ဒေသနေတစ်နိုင်တစ်ပိုင်မွေးမြူရေးသမားများမှမွေးမြူလုပ်ကိုင်လျက်ရှိသောကြောင့်ထိုကျေးလက်ဒေသများတွင်နေထိုင်သူအယောက် (၁ဝဝဝဝ) အတွက်ရည်ရွယ်ပြီးဆောင်ရွက်ခြင်းလဲဖြစ်ပါသည်။

မျိုးဝက်မတစ်ကောင်မှတစ်နှစ်လျှင် ဝက်သားပေါက် (၂၅) ကောင်ခန့်ရရှိနိုင်သောကြောင့်ဝက်သားပေါက်များဝယ်ယူပြီးအသားတိုးမွေးမြူခြင်းထက် အကျိုးအမြတ်ပိုမိုရရှိစေနိုင်ပါသည်။

တစ်နိုင်တစ်ပိုင်ဝက်မွေးမြူသူဦးရေ (၁ဝဝဝဝ) ကိုလေ့ကျင့်သင်ကြားပေးသွားမှာဖြစ်သောကြောင့်ထိုသူများကိုသာမကထိုသူများ၏မိသားစုဝင်များကိုပါ အကျိုးကျေးဇူးဖြစ်ထွန်းစေနိုင်မှာဖြစ်ပြီး လူဦးရေပေါင်း (၅ဝဝဝဝ) ကျော်ကိုလည်းဝင်ငွေတိုးစေမှာဖြစ်ပါသည်။